കൊച്ചി: ബിജെപി മുന് സംഘടനാ ജനറല് സെക്രട്ടറി പി പി മുകുന്ദന് അന്തരിച്ചു. അര്ബുദ ബാധിതനായിരുന്നു. 76 വയസായിരുന്നു. കൊച്ചിയിലെ അമൃത ആശുപത്രിയിലായിരുന്നു അന്ത്യം. ദീര്ഘകാലം ആര്എസ്എസ് പ്രചാരകനായിരുന്നു. ആര്എസ്എസ് പ്രാന്ത സമ്പര്ക്ക പ്രമുഖ് ആയിരുന്നു.
1980, 1990 കാലത്ത് സംസ്ഥാനത്ത് ബിജെപിയെ കെട്ടിപ്പടുക്കുന്നതില് നിര്ണായക പങ്കു വഹിച്ച വ്യക്തിയായിരുന്നു. 16 വര്ഷം ബിജെപി സംസ്ഥാന ജനറല് സെക്രട്ടറിയായി പ്രവര്ത്തിച്ചിട്ടുണ്ട്.
ദക്ഷിണേന്ത്യ ഓര്ഗനൈസിങ് ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സംഘപരിവാറിന്റെ വിവിധ പദവികളിലും പ്രവര്ത്തിച്ചിട്ടുണ്ട്. 1947ഡിസംബര് ഒന്നിന് കണ്ണൂര് മണത്തറയിലാണ് പിപി മുകുന്ദന്റെ ജനനം. അടിയന്തരാവസ്ഥക്കാലത്ത് ജയില്ശിക്ഷ അനുഭവിച്ചിട്ടുണ്ട്. 2006 മുതല് പത്തുവര്ഷക്കാലം ബിജെപിയോട് അകന്ന് നില്ക്കുകയായിരുന്നു. പിന്നീട് 2016 ലായിരുന്നു വീണ്ടും മുകുന്ദന് ബിജെപിയേട് വീണ്ടും അടുത്തത്.
