കോഴിക്കോട്: സംസ്ഥാനത്ത് ഒരാള്ക്കുകൂടി നിപ വൈറസ് സ്ഥിരീകരിച്ചതായി ആരോഗ്യമന്ത്രി വീണാ ജോര്ജ് അറിയിച്ചു. സ്വകാര്യ ആശുപത്രിയിലെ ആരോഗ്യപ്രവര്ത്തകനാണ് നിപ സ്ഥിരീകരിച്ചത്. അതേസമയം ഒരു ആരോഗ്യപ്രവര്ത്തകന്റെ പരിശോധനാ ഫലം നെഗറ്റീവാണ്.
മരിച്ച രണ്ടുപേര് ഉള്പ്പെടെ ഇതോടെ സംസ്ഥാനത്ത് അഞ്ചുപേര്ക്ക് നിപ വൈറസ് ബാധ സ്ഥിരീകരിച്ചു. നിപയുടെ പശ്ചാത്തലത്തില് കോഴിക്കോടിനു പുറമേ, കണ്ണൂര്, വയനാട്, മലപ്പുറം ജില്ലകളില് കനത്ത ജാഗ്രതാ നിര്ദേശം പുറപ്പെടുവിച്ചിട്ടുണ്ട്. കോഴിക്കോട് ജില്ലയിലെ ഒന്പത് പഞ്ചായത്തുകളിലെ വിവിധ വാര്ഡുകളെ കണ്ടെയ്ന്മെന്റ് സോണായി പ്രഖ്യാപിച്ചു.
അതിനിടെ മലപ്പുറം മഞ്ചേരി മെഡിക്കല് കോളേജ് ആശുപത്രിയില് നേരിയ രോഗലക്ഷണമുള്ള ഒരാളുടെ സാമ്പിള് പരിശോധനയ്ക്കയച്ചിട്ടുണ്ട്.
