ഖത്തറില് മലയാളി ഉള്പ്പെടെ എട്ട് ഇന്ത്യക്കാര്ക്ക് വധശിക്ഷ. വ്യവസായ ആവശ്യത്തിന് ഖത്തറിലെത്തിയ മുന് നാവികസേനാ ഉദ്യോഗസ്ഥര്ക്കാണ് ശിക്ഷ വിധിച്ചിരിക്കുന്നത്. ജനുവരി 14ന് കസ്റ്റഡിയിലെടുത്ത ഇവര് ഇതുവരെ ഏകാന്ത തടവിലായിരുന്നു. ഇവരെ കസ്റ്റഡിയിലെടുത്ത വിവരം സെപ്തംബര് മാസത്തില് മാത്രമാണ് ദോഹയിലെ ഇന്ത്യന് എംബസി അറിഞ്ഞത്.
ഖത്തറിന്റെ ശിക്ഷാവിധിയില് ഇന്ത്യ അഗാധമായ ഞെട്ടല് രേഖപ്പെടുത്തി. നാവികസേനയിലെ ഒഫിസര് റാങ്കിലുണ്ടായിരുന്ന ഒരാളുള്ക്കുള്പ്പെടെ എതിരെയാണ് വധശിക്ഷ വിധിച്ചിരിക്കുന്നത്. എട്ട് പേരുടേയും കുടുംബാംഗങ്ങളുമായും അവരുടെ അഭിഭാഷകരുമായും നിരന്തരം ബന്ധപ്പെടുകയാണെന്നും ഇവര്ക്ക് നിയമസഹായം നല്കുന്ന കാര്യം പരിശോധിച്ച് വരികയാണെന്നും വിദേശകാര്യമന്ത്രാലയം വ്യക്തമാക്കി. ഖത്തര് കൂടുതല് കാര്യങ്ങള് വ്യക്തമാക്കിയിട്ടില്ലാത്ത പശ്ചാത്തലത്തില് ഇപ്പോള് വിഷയത്തില് കൂടുതല് പ്രതികരിക്കുന്നത് ഉചിതമല്ലെന്നും വിദേശകാര്യമന്ത്രാലയം അറിയിച്ചു.
അല് ദഹറ കമ്പനിയുമായി ബന്ധപ്പെട്ട് പ്രവര്ത്തിക്കുന്നവരാണ് എട്ടുപേരും. ഒരു വര്ഷമായി ഇവര് ഏകാന്ത തടവിലായിരുന്നെന്ന വിവരം ഇന്ത്യയ്ക്ക് ലഭ്യമായത് ഇപ്പോഴാണ് എന്നതും പ്രശ്നത്തിന്റെ സങ്കീര്ണത വര്ധിപ്പിക്കുന്നുണ്ട്. വിഷയം ഖത്തര് അധികൃതരുമായി സംസാരിക്കുമെന്ന് വിദേശകാര്യമന്ത്രാലയം അറിയിച്ചിട്ടുണ്ട്.
