തിരുവനന്തപുരം: പ്രധാനമന്ത്രി നരേന്ദ്രമോദി നാളെ രാവിലെ തിരുവനന്തപുരത്തെത്തും. പ്രധാനമന്ത്രിക്ക് ബിജെപി പ്രവര്ത്തകര് ആവേശോജ്വല വരവേല്പ്പ് നല്കും. നഗരത്തിന്റെ വിവിധ ഭാഗങ്ങളില് കമാനങ്ങളും കട്ടൗട്ടുകളും ഉയര്ന്നു കഴിഞ്ഞു.
ബിജെപി സംസ്ഥാന അധ്യക്ഷന് കെ. സുരേന്ദ്രന് നയിക്കുന്ന കേരളാ പദയാത്രയുടെ സമാപന സമ്മേളനം തിരുവനന്തപുരത്ത് സെന്ട്രല് സ്റ്റേഡിയത്തില് , മോദി ഉദ്ഘാടനം ചെയ്യും. അരലക്ഷം പേര് സമ്മേളനത്തില് പങ്കുചേരും. വിവിധ നിയോജക മണ്ഡലങ്ങളില് നിന്നായി പുതിയതായി ബിജെപിയിലെത്തിയ ആയിരത്തോളം പേരും കേന്ദ്ര സര്ക്കാരിന്റെ വിവിധ പദ്ധതികളുടെ ഗുണഭോക്താക്കളായവരും സമ്മേളനത്തിനെത്തും.
