തൃശ്ശൂര്: തൃശ്ശൂര് ലോക്സഭാ മണ്ഡലം എന്.ഡി.എ സ്ഥാനാര്ഥി സുരേഷ് ഗോപിയെ പുകഴ്ത്തി തൃശ്ശൂര് മേയര് എം.കെ വര്ഗീസ്. സുരേഷ് ഗോപി എം.പിയാവാന് ഫിറ്റായ വ്യക്തിയാണെന്നായിരുന്നു മേയര് പറഞ്ഞത്. കോര്പ്പറേഷന് പ്രഖ്യാപിച്ച മുഴുവന് പണവും നല്കി. ജനങ്ങളുടെ ഇടയില് നില്ക്കുന്ന ആളാണെന്നും അദ്ദേഹം പറഞ്ഞു.
എന്നാല് പ്രസ്താവന വിവാദമായതോടെ ഇത് തിരുത്തി. സുരേഷ് ഗോപിയെ താൻ പിന്തുണച്ചിട്ടില്ല. സുരേഷ് ഗോപി നല്ല കാര്യങ്ങൾ ചെയ്തെന്ന് മാത്രമാണ് പറഞ്ഞത് എന്നും അദ്ദേഹം പ്രതികരിച്ചു.ചോദിച്ചതിന് മറുപടി പറയുക മാത്രമാണ് ചെയ്തത്. ഒരു കോടി രൂപ സുരേഷ് ഗോപി കോർപ്പറേഷന് തന്നു എന്ന് മാത്രമാണ് പറഞ്ഞത്. താൻ സ്വതന്ത്രനാണ്. നാട് നന്നാക്കാൻ ആര് സാമ്പത്തിക സഹായം തന്നാലും അത് വാങ്ങുക എന്നത് മാത്രമേ തൻ്റെ ലക്ഷ്യമുള്ളൂ. അതാണ് ഉദ്ദേശിച്ചത്. പിന്തുണ കൊടുക്കൽ അല്ല. സുരേഷ് ഗോപി നല്ല കാര്യങ്ങൾ ചെയ്തിട്ടുണ്ട് എന്ന് മാത്രമാണ് പറഞ്ഞത്.
മറ്റുള്ള സ്ഥാനാർത്ഥികളും നല്ല കാര്യങ്ങൾ ചെയ്യുന്നുണ്ട്. മൂന്നു സ്ഥാനാർത്ഥികളും മിടുക്കന്മാരാണ്. മൂന്നുപേരും ഫിറ്റാണ്. സുനിൽകുമാർ എക്സ്ട്രാ ഓർഡിനറി മിടുക്കൻ. സുരേഷ് ഗോപിക്ക് രാഷ്ട്രീയ പിന്തുണ ഇല്ല എന്നും അദ്ദേഹം പറഞ്ഞു.
