ന്യൂഡല്ഹി: ഡല്ഹി മുഖ്യമന്ത്രിയായി ആം ആദ്മി പാര്ട്ടി നേതാവ് അതിഷി സത്യപ്രതിജ്ഞ ചെയ്ത് അധികാരമേറ്റു. രാജ്നിവാസില് നടന്ന സത്യപ്രതിജ്ഞ ചടങ്ങില് ലെഫ്. ഗവര്ണര് വി.കെ. സക്സേന സത്യവാചകം ചൊല്ലികൊടുത്തു. 43-കാരിയായ അതിഷി ഡല്ഹിയില് മുഖ്യമന്ത്രിയാകുന്ന ഏറ്റവും പ്രായംകുറഞ്ഞയാളും മൂന്നാമത്തെ വനിതയുമാണ്.
സത്യപ്രതിജ്ഞ ചെയ്യുന്നതിന് മുമ്പ് അതിഷിയും മന്ത്രിസഭയിലെ അംഗങ്ങളായ എ.എ.പി. നേതാക്കളും കെജ്രിവാളിനെ കണ്ടു. അതിഷിസര്ക്കാരില് പുതിയമന്ത്രിയായി ദളിത് മുഖമായ മുകേഷ് കുമാര് അഹ്ലാവദും ചുമതലയേറ്റു. കെജ്രിവാള് സര്ക്കാരിലെ മന്ത്രിമാരായ ഗോപാല് റായ്, കൈലാഷ് ഗഹ്ലോത്, സൗരഭ് ഭരദ്വാജ്, ഇമ്രാന് ഹുസൈന് എന്നിവര് തുടരും.
