ഡല്ഹി: ലോക്സഭ തെരഞ്ഞെടുപ്പ് തീയതി നാളെ പകല് മൂന്ന് മണിക്ക് പ്രഖ്യാപിക്കുമെന്ന് തെരഞ്ഞെടുപ്പ് കമ്മീഷന് അറിയിച്ചു. ഒഡീഷ അരുണാചൽ പ്രദേശ് ആന്ധ്രപ്രദേശ് എന്നിവിടങ്ങളിലെ നിയമസഭ വോട്ടെടുപ്പും പ്രഖ്യാപിക്കും. ജമ്മുകശ്മീരിലെ വോട്ടെടുപ്പ് ആലോചിക്കാൻ സാധ്യതയുണ്ട്.
പുതിയ തെരഞ്ഞെടുപ്പ് കമ്മീഷണര്മാര് ചുമതലയേറ്റതോടെയാണ് പ്രഖ്യാപനത്തിനുള്ള നടപടിക്രമങ്ങളിലേക്ക് കമ്മീഷന് കടന്നത്. ഗ്യാനേഷ് കുമാറും,സുഖ് ബീര് സിംഗ് സന്ധുവും ഇന്ന് ചുമതലയേറ്റു.മുഖ്യതെരഞ്ഞെടുപ്പ് കമ്മീഷണര് രാജീവ് കുമാറിന്റെ സാന്നിധ്യത്തിലാണ് ഗ്യാനേഷ് കുമാറും, സുഖ്ബീര് സിംഗ് സന്ധുവും ചുമതലയേറ്റത്. നിര്ണായക സമയത്താണ് ഇരുവരും ചുമതലയേല്ക്കുന്നതെന്നും തെരഞ്ഞെടുപ്പിന് കമ്മീഷന് പൂര്ണ്ണ സജ്ജമാണെന്നും മുഖ്യതെരഞ്ഞെടുപ്പ് കമ്മീഷണര് വ്യക്തമാക്കി.
