കൊച്ചി: നിവിന് പോളിക്കെതിരായ ലൈംഗികാതിക്രമക്കേസില് തീയതി മാധ്യമങ്ങളോട് പറഞ്ഞത് ഉറക്കപ്പിച്ചിലെന്ന് പരാതിക്കാരി പൊലീസില് മൊഴി നല്കി. 2023 ഡിസംബര് 14, 15 തിയതികളില് ദുബായില് വച്ച് ലൈംഗിക അതിക്രമം ഉണ്ടായതെന്നായിരുന്നു നടി പറഞ്ഞത്. അന്നേദിവസം നിവിന് പോളി വിനീത് ശ്രീനിവാസന് സംവിധാനം ചെയ്ത സിനിമയുടെ ലൊക്കേഷനിലായിരുന്നുവെന്നതിന്റെ തെളിവുകള് പുറത്ത് വന്നിരുന്നു.
‘യഥാര്ഥ തീയതി പൊതുജനത്തിനോട് പറഞ്ഞിട്ടില്ല, ഇക്കാര്യം പൊലീസിനോട് പറഞ്ഞിട്ടുണ്ട്. ഇന്ന് വന്നത് വരുമാനക്കാര്യവുമായി ബന്ധപ്പെട്ട് ചോദിച്ച് അറിയാനാണ്. കേസില് അട്ടിമറി സംശയിക്കുന്നു. അന്വേഷണത്തില് ഉള്ള വിശ്വാസവും നഷ്ടമായി, ണ്ടാം പ്രതി സുനില് ഒളിവിലാണ്. കേസില് ഒരു പ്രതീക്ഷയില്ല’ – പരാതിക്കാരി പറഞ്ഞു.
പരാതിക്കെതിരെ നിവിന് പോളിയും രംഗത്തെത്തിയിരുന്നു. ഇതിന് പിന്നാലെയാണ് തിയ്യതി ഉറക്കപ്പിച്ചില് പറഞ്ഞെന്ന് യുവതി മൊഴി നല്കിയിരിക്കുന്നത്. ഇന്ന് അന്വേഷണ സംഘം തന്റെ വരുമാന വിവരങ്ങള് തിരക്കാനാണ് വിളിച്ചതെന്നും കേസ് അട്ടിമറിക്കുന്നുവെന്ന സംശയം ഉണ്ടെന്നും യുവതി ആരോപിച്ചു. തനിക്കു നേരെ ഉയര്ന്ന ആരോപണത്തില് അന്വേഷണം നടത്തണമെന്നും ഗൂഢാലോചനയുണ്ടെങ്കില് പുറത്തുകൊണ്ടുവരണമെന്നും ആവശ്യപ്പെട്ട് നടന് നിവിന് പോളി ഡിജിപിക്കും പ്രത്യേകാന്വേഷണ സംഘത്തിനും പരാതി നല്കിയിട്ടുണ്ട്.
