വയനാട്: ലോക്സഭാ തെരഞ്ഞെടുപ്പില് വയനാട്ടിലെ യുഡിഎഫ് സ്ഥാനാര്ത്ഥി രാഹുല് ഗാന്ധി നാമനിര്ദേശ പത്രിക സമര്പ്പിച്ചു. കോണ്ഗ്രസ് നേതാക്കളായ പ്രിയങ്ക ഗാന്ധി, പ്രതിപക്ഷ നേതാവ് വി ഡി സതീശന്, എംഎം ഹസ്സന്, രമേശ് ചെന്നിത്തല തുടങ്ങിയ നേതാക്കള്ക്കൊപ്പമാണ് രാഹുല് കല്പ്പറ്റയിലെത്തി.
വന് സ്വീകരണമാണ് രാഹുല് ഗാന്ധിക്ക് യുഡിഎഫ് പ്രവര്ത്തകര് വയനാട്ടിലൊരുക്കിയത്. നാമനിർദേശ പത്രിക സമർപ്പിക്കാനുള്ള അവസാന തീയതി ഇന്നാണ്. രാഹുലിന്റെ വരവോടെ കോണ്ഗ്രസ് രണ്ടാം ഘട്ട തെരഞ്ഞെടുപ്പ് പ്രചാരണ പരിപാടികളിലേക്ക് കൂടി കടക്കുകയാണ്. വയനാട്ടുകാരുടെ പോരാട്ടത്തിനൊപ്പമുണ്ടാകുമെന്ന് രാഹുല് ഗാന്ധി പറഞ്ഞു.
