കൊച്ചി: തിരുവനന്തപുരം ചിറയിന്കീഴ് ശാര്ക്കര ദേവീ ക്ഷേത്രത്തിലെ ആയുധ പരിശീലനം തടഞ്ഞ് ഹൈക്കോടതി ഉത്തരവിട്ടു. ക്ഷേത്ര പരിസരത്ത് ആയുധ പരിശീലനവും കായിക അഭ്യാസവും അനുവദിക്കാനാവില്ലെന്ന് ജസ്റ്റിസ് അനില് കെ നരേന്ദ്രന് വ്യക്തമാക്കി. ആര്എസ്എസ് ആയുധ പരിശീലനം നടത്തുന്നെന്നു ചൂണ്ടിക്കാട്ടി ഭക്തര് നല്കിയ ഹര്ജിയിലാണ് ഉത്തരവ്.
ക്ഷേത്രപരിസരത്ത് കായികാഭ്യാസം തടഞ്ഞ് അധികൃതര് ഇറക്കിയ ഉത്തരവ് കൃത്യമായി പാലിക്കുന്നില്ലെന്നു ചൂണ്ടിക്കാട്ടിയാണ് ഹര്ജി സമര്പ്പിച്ചത്. ഉത്തരവ് പാലിക്കുന്നുണ്ടെന്ന് ദേവസ്വം കമ്മിഷണര് ഉറപ്പാക്കണമെന്ന് നിര്ദേശിച്ച ഹൈക്കോടതി ഇതിന് വേണ്ട സഹായം നല്കാന് ചിറയിന്കീഴ് പൊലീസിനോട് ആവശ്യപ്പെട്ടു.
