പത്തനംതിട്ട: പത്തനംതിട്ടയിൽ പ്ലസ് വണ് വിദ്യാര്ത്ഥിനിയെ പീഡിപ്പിച്ചതായി പരാതി. സംഭവത്തില് കേസെടുത്ത പൊലീസ് അന്വേഷണം ആരംഭിച്ചു. കേസില് 18 പ്രതികളുണ്ടെന്നാണ് പൊലീസ് നല്കുന്ന വിവരം. ചൈല്ഡ് വെല്ഫെയര് കമ്മിറ്റിയില്നിന്നുള്ള വിവരത്തിന്റെ അടിസ്ഥാനത്തിലാണ് പൊലീസ് കേസെടുത്ത് അന്വേഷണം ആരംഭിച്ചത്.
പെണ്കുട്ടിയുടെ നഗ്ന ദൃശ്യങ്ങള് പ്രചരിപ്പിച്ചതായും പരാതിയുണ്ട്. ഇന്സ്റ്റാഗ്രാം വഴിയാണ് കൂടുതല് പേര് കുട്ടിയുമായി സൗഹൃദത്തിലായതെന്നാണ് പൊലീസ് പറയുന്നത്. പ്രായപൂര്ത്തിയാകാത്ത ആളുകളും പ്രതികളുടെ കൂട്ടത്തിലുണ്ടെന്നാണ് വിവരം. സ്കൂളില് പോകാൻ മടികാണിച്ച പെണ്കുട്ടിയെ കൗണ്സിലിങിനു വിധേയമാക്കിയപ്പോഴാണ് പീഡന വിവരം അറിഞ്ഞത്.
