തിരുവനന്തപുരം: യൂത്ത് കോണ്ഗ്രസ് സംസ്ഥാന അധ്യക്ഷനായി രാഹുല് മാങ്കൂട്ടത്തില് തെരഞ്ഞെടുക്കപ്പെട്ടു. രണ്ടാമതുള്ള അബിന് വര്ക്കിയേക്കാള് 53,398 വോട്ടുകള് നേടിയാണ് രാഹുല് മാങ്കൂട്ടത്തില് ഷാഫി പറമ്പിലിന്റെ പിന്ഗാമിയാവാന് യോഗ്യത നേടുന്നത്.
221986 വോട്ടുകൾക്കാണ് രാഹുല് വിജയിച്ചത്. രണ്ടാം സ്ഥാനത്തെത്തിയ അബിൻ വർക്കിക്ക് 168588 വോട്ടുകള് ലഭിച്ചു. അരിത ബാബുവിന് 31930 വോട്ടുകളാണ് ലഭിച്ചത്.
നീണ്ട നാളത്തെ നടപടികള്ക്കൊടുവിലാണ് യൂത്ത് കോണ്ഗ്രസ് സംഘടനാ തിരഞ്ഞെടുപ്പ് ഫലം പ്രഖ്യാപിക്കുന്നത്. ഉമ്മന്ചാണ്ടിയുടെ മരണത്തേയും പുതുപ്പള്ളി തിരഞ്ഞെടുപ്പിനേയും തുടര്ന്ന് നടപടികള് നിര്ത്തിവെച്ചിരുന്നു.
