തിരുവനന്തപുരം: സ്കൂട്ടറില് യാത്ര ചെയ്യുകയായിരുന്ന യുവതിയുടെ മാല ബൈക്കില് എത്തിയ സംഘം കവര്ന്നു. നെയ്യാറ്റിൻകരപ്ലാമൂട്ട് കടയിലാണ് സംഭവം. പട്ടാപകല് റോഡില് വെച്ചാണ് കവര്ച്ച നടന്നത്. വ്രാലി സ്വദേശിനിയായ ലിജിയുടെ മാലയാണ് കവർന്നത്. റോഡരികില് സ്കൂട്ടര് നിര്ത്തി ഇന്ഡിക്കേറ്റര് ഇട്ട് വലത്തോട്ട് തിരിയാൻ ശ്രമിക്കുകയായിരുന്നു ലിജി. ഇതിനിടെ ഹെല്മറ്റ് ധരിച്ച് ബൈക്കിലെത്തിയ രണ്ടുപേര് ചേര്ന്നാണ് മാല പിടിച്ചുപറിച്ചത്.
മോഷ്ടക്കാളെ പ്രതിരോധിക്കാൻ ശ്രമിക്കുന്നതിനിടെ ലിജി സ്കൂട്ടറില് നിന്നും വീണു. സ്കൂട്ടറില് നിന്ന് വീണ ലിജിക്ക് പരിക്കേറ്റു. ആറു പവന്റെ സ്വര്ണ്ണമാലയാണ് തട്ടിയെടുത്തത്. മാല പിടിച്ചുപറിക്കുന്നതിനിടെ ലിജി നിലത്ത് വീണെങ്കിലും അക്രമികള് മാലയുമായി കടന്നുകളയുകയായിരുന്നു. നിലത്ത് നിന്ന് എഴുന്നേറ്റ് ലിജി ബഹളം വെച്ചെങ്കിലും മോഷ്ടാക്കളെ പിടികൂടാനായില്ല. സംഭവത്തില് പൊഴിയൂര് പൊലീസ് കേസെടുത്ത് അന്വേഷണം ആരംഭിച്ചു.
