‘ദൃശ്യം 3’ സിനിമയുടെ ചിത്രീകരണത്തിനിടെയിലെ ഇടവേളയിൽ മോഹൻലാലിനൊപ്പം വർക്കൗട്ട് ചെയ്ത് അൻസിബ ഹസ്സൻ. ‘ജോർജുകുട്ടിയും അഞ്ജു ജോർജും’ എന്ന അടിക്കുറിപ്പോടെ മോഹൻലാലിനൊപ്പം ജിമ്മിൽ നിൽക്കുന്ന ചിത്രം അൻസിബ തന്നെയാണ് പങ്കുവച്ചത്. രസകരമായ കമന്റുകളാണ് ചിത്രത്തിനു ലഭിക്കുന്നത്. ‘വരുണിന്റെ ബോഡി കുഴിച്ചിട്ടിരിക്കുന്നത് ജിമ്മിലാണോ’, ‘ജോർജുകുട്ടി വീണ്ടും ചെറുപ്പമായി’ എന്നിങ്ങനെ പോകുന്നു കമന്റുകൾ. നടിയെ വിമർശിച്ചും കമന്റുകൾ വരുന്നുണ്ട്.
അതേസമയം സിനിമയുടെ ചിത്രീകരണം തൊടുപുഴയിൽ പുരോഗമിക്കുകയാണ്. ജീത്തു ജോസഫ് സംവിധാനം ചെയ്യുന്ന ചിത്രം ആന്റണി പെരുമ്പാവൂർ ആണ് നിർമിക്കുന്നത്.
