ശബരിമല സ്വര്ണക്കൊള്ളയില് തിരുവിതാംകൂര് ദേവസ്വം ബോര്ഡ് മുന് അഡ്മിനിസ്ട്രേറ്റീവ് ഓഫീസര് ശ്രീകുമാര് അറസ്റ്റില്. സ്വര്ണപ്പാളി കൊണ്ടുപോകുമ്പോള് അഡ്മിനിസ്ട്രേറ്റീവ് ഓഫീസര് ആയിരുന്നു ശ്രീകുമാര്. ഇന്ന് രാവിലെയാണ് ശ്രീകുമാറിനെ തിരുവനന്തപുരം ഈഞ്ചയ്ക്കലുള്ള എസ്ഐടി ഓഫീസിലേക്ക് വിളിച്ചു വരുത്തിയത്.
തുടര്ന്ന് വിശദമായ ചോദ്യം ചെയ്യല് നടന്നു. ഇതിന് ശേഷമാണ് അറസ്റ്റ് രേഖപ്പെടുത്തിയത്. സര്ണപ്പാളി കൊണ്ടുപോകാന് തീരുമാനമെടുത്തത് മുരാരി ബാബു അഡ്മിനിസ്ട്രേറ്റീവ് ഓഫീസര് ആയിരുന്ന സമയത്താണ്. എന്നാല്, ഇത് ഇളക്കിക്കൊണ്ടുപോയത് ശ്രീകുമാര് അഡ്മിനിസ്ട്രേറ്റീവ് ഓഫീസര് ആയിരുന്ന സമയത്താണ്. ഇദ്ദേഹത്തിനും സ്വര്ണക്കൊള്ളയില് പങ്കുണ്ടെന്നാണ് എസ്ഐടി കണ്ടെത്തല്. നേരത്തെ ശ്രീകുമാറിന്റെയും ജയശ്രീയുടെയും മുന്കൂര് ജാമ്യം ഹൈക്കോടതി തള്ളിയിരുന്നു.
