മലയാള സിനിമയിലെ എക്കാലത്തെയും വലിയ സാമ്പത്തിക വിജയങ്ങളിലൊന്നായിരുന്നു ആവേശം. മോളിവുഡിലേക്ക് ഫഹദ് ഫാസിലിന്റെ വമ്പന് തിരിച്ചുവരവ് കൂടിയായ ആവേശം ആഗോള ബോക്സ് ഓഫീസില് നിന്ന് 150 കോടിയിലേറെയാണ് നേടിയത്. ഇപ്പോഴിതാ ചിത്രത്തിന്റെ വരാന് സാധ്യതയുള്ള ഒരു തെലുങ്ക് റീമേക്കിനെക്കുറിച്ചുള്ള ചര്ച്ചകളാണ് നടക്കുന്നത്.
ചിത്രം വലിയ സ്വീകാര്യത നേടിയതിന് പിന്നാലെ ഒടിടി റിലീസിന്റെ സമയത്തും മറ്റും മറുഭാഷകളില് ഫഹദിന്റെ സ്ഥാനത്ത് ആരൊക്കെ എത്തുമെന്ന സാങ്കല്പിക ചര്ച്ചകള് സിനിമാപ്രേമികള് നടത്തിയിരുന്നു. അന്നുമുതലേ പറയപ്പെടുന്ന പേരാണ് തെലുങ്ക് താരം നന്ദമുരി ബാലകൃഷ്ണ എന്ന ബാലയ്യയുടേത്. ഇപ്പോഴിതാ ഇത്തരത്തില് ഒരു പ്രോജക്റ്റ് നടക്കും എന്ന രീതിയിലാണ് സോഷ്യല് മീഡിയയിലെ പ്രചരണം. ബാലയ്യയുടെ കരിയറിലെ 111-ാം ചിത്രമായി ആവേശം റീമേക്ക് സംഭവിക്കുമെന്നും സംവിധാനം ചെയ്യുക ഹരീഷ് ശങ്കര് ആയിരിക്കുമെന്നുമൊക്കെ കേള്ക്കുന്നുണ്ട്. ഹരീഷ് ശങ്കറിന്റെ സംവിധാനത്തില് ബാലയ്യ നായകനാവുന്ന ഒരു ചിത്രം വരാനിരിക്കുന്നുവെന്ന് നേരത്തേ റിപ്പോര്ട്ടുകള് എത്തിയിരുന്നു. ആവേശം റീമേക്ക് ചര്ച്ചകളില് അദ്ദേഹത്തിന്റെ പേര് തെലുങ്ക് സിനിമാപ്രേമികള് ഉയര്ത്താനുള്ള കാരണവും അതാവാം.
എന്തായാലും ഔദ്യോഗിക പ്രഖ്യാപനം വന്നാലേ ഇത്തരത്തില് ഒരു പ്രോജക്റ്റിന്റെ സാധ്യതയെക്കുറിച്ച് ഉറപ്പിക്കാനാവൂ.
