ന്യൂഡല്ഹി: പോക്സോ കേസില് നടൻ കൂട്ടിക്കൽ ജയചന്ദ്രന് മുൻകൂർ ജാമ്യം അനുവദിച്ച് സുപ്രീംകോടതി. നാല് വയസുകാരിയെപീഡിപ്പിച്ചെന്ന കേസിലാണ് ഉപാധികളോടെ ജാമ്യം അനുവദിച്ചിരിക്കുന്നത്. അറസ്റ്റ് ചെയ്താല് 25,000 രൂപയുടെ ആള് ജാമ്യത്തില് വിട്ടയക്കണമെന്ന് കോടതി ഉത്തരവിട്ടു. അന്വേഷണവുമായി സഹകരിക്കണമെന്നും ചോദ്യം ചെയ്യാന് വിളിച്ചാല് ഹാജരാകണമെന്നും ജയചന്ദ്രന് കോടതി നിര്ദേശം നല്കി.
ഉപാധികൾ ലംഘിച്ചാൽ മുൻകൂർ ജാമ്യം റദ്ദാക്കുമെന്നും ജസ്റ്റിസ് നാഗരറ്റ്ന അറിയിച്ചു. പീഡന പരാതിക്ക് പിന്നില് കുടുംബ തര്ക്കമാണെന്നാണ് ജയചന്ദ്രന്റെ അഭിഭാഷകന് വാദിച്ചത്. ഒരു മണിക്കൂറോളം നീണ്ട വാദപ്രതിവാദത്തില് പെണ്കുട്ടിയുടെ അമ്മയുടെയും സര്ക്കാരിന്റെയും അഭിഭാഷകര് ജാമ്യത്തെ എതിര്ത്തെങ്കിലും കോടതി വാദങ്ങള് അംഗീകരിച്ചില്ല. ജസ്റ്റിസുമാരായ ബി വിനാഗരത്ന, സതീഷ് ചന്ദ്ര ശര്മ്മ എന്നിവരുടെ ബെഞ്ചാണ് മുന്കൂര് ജാമ്യം നല്കിയത്.
