കോഴിക്കോട്: നാലര വയസ്സുകാരിയെ ലൈംഗികമായി പീഡിപ്പിച്ചെന്ന കേസില് പ്രതിയായ നടന് കൂട്ടിക്കല് ജയചന്ദ്രനെതിരെ നടപടി വൈകുന്നതായി കാണിച്ച് കുട്ടിയുടെ ബന്ധു സംസ്ഥാന പോലീസ് മേധാവിക്കും കമ്മിഷണര്ക്കും പരാതി നല്കി.
കുട്ടിയെ പീഡിപ്പിച്ചെന്ന പരാതിയില് കസബ പോലീസ് കേസെടുത്തെങ്കിലും തുടര് നടപടികള് സ്വീകരിച്ചിരുന്നില്ല. പ്രതി വിദേശത്തേക്കു രക്ഷപ്പെടാന് സാധ്യതയുണ്ടെന്നും പെണ്കുട്ടിക്കും ബന്ധുക്കള്ക്കും ഭീഷണിയുണ്ടെന്നും അത് ഭയന്നു കുട്ടിയെ സ്കൂളില് അയയ്ക്കുന്നില്ലെന്നും ബന്ധുവിന്റെ പരാതിയില് പറയുന്നു. പ്രതിയെ അറസ്റ്റ് ചെയ്ത് അന്വേഷണം നടത്തി ഉടനെ കുറ്റപത്രം സമര്പ്പിക്കാനുള്ള നടപടികള് സ്വീകരിക്കണമെന്നാണ് പരാതിയിലെ ആവശ്യം.
