കല്പ്പറ്റ: സംസ്ഥാനത്ത് കാട്ടാന ആക്രമണത്തില് ഒരാള് കൂടി മരിച്ചു. വയനാട് മാനന്തവാടിയില് കാട്ടാന ആക്രമണത്തില് പരിക്കേറ്റ് ചികിത്സയിലായിരുന്നയാള് മരിച്ചു. പുളിമൂട് ഉന്നതിയിലെ രാജുവാണ് മരിച്ചത്. 50 വയസ്സായിരുന്നു. കാട്ടിക്കുളത്ത് കൃഷി സ്ഥലത്തു വെച്ചാണ് രാജുവിന് നേര്ക്ക് കാട്ടാനയുടെ ആക്രമണം ഉണ്ടാകുന്നത്. ഗുരുതരമായി പരിക്കേറ്റ രാജുവിനെ മാനന്തവാടി മെഡിക്കല് കോളജ് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
ഇന്നലെ രാത്രി കാട്ടാന ജനവാസ കേന്ദ്രത്തില് ഇറങ്ങിയിരുന്നു. പുലര്ച്ചെയും ജനവാസ കേന്ദ്രത്തില് തുടര്ന്ന കാട്ടാനയെ കാടുകയറ്റാനുള്ള ശ്രമത്തിലായിരുന്നു വനംവകുപ്പ് ഉദ്യോഗസ്ഥര്. ഇതിനിടെ കൃഷിയിടത്തില് നിന്നും വീട്ടിലേക്ക് മടങ്ങുന്നതിനിടെ രാജു കാട്ടാനയുടെ മുന്നില്പ്പെടുകയായിരുന്നു.
