കൊല്ലം: പാരിപ്പള്ളിയില് ഭാര്യയെ കൊന്ന് ഭര്ത്താവ് ആത്മഹത്യ ചെയ്തു. പാരിപ്പള്ളിയിലെ അക്ഷയകേന്ദ്രത്തിൽ വച്ച് തിങ്കളാഴ്ച രാവിലെയാണ് നാവായിക്കുളം സ്വദേശി റഹീം തന്റെ ഭാര്യ നദീറയെ മണ്ണെണ്ണ ഒഴിച്ച് തീകൊളുത്തി കൊന്നത്. ഭാര്യയുടെ മരണം ഉറപ്പാക്കിയതിന് ശേഷം കത്തി വീശി പുറത്തേക്ക് പോയ ഇയാള് സ്വയം കഴുത്തറുത്തതിന് ശേഷം കിണറ്റില് ചാടുകയായിരുന്നു. അഗ്നിശമന സേനയെത്തി ഇയാളെ പുറത്തെടുക്കുന്നതിന് മുമ്പ് മരണം സംഭവിച്ചിരുന്നു.
നദീറയെ അക്രമിച്ച് പരിക്കേല്പ്പിച്ച കേസില് റിമാന്ഡിലായിരുന്നു റഹീം അടുത്താണ് ജയില്മോചിതനായത്. ഇയാൾ അതിക്രൂരമായി ഇവരെ അക്രമിച്ച് പരിക്കേൽപ്പിച്ചിരുന്നു. പള്ളിക്കല് പോലീസില് വധശ്രമത്തിനുള്പ്പെടെ ഇയാള്ക്കെതിരെ കേസുണ്ട്. ഭാര്യയെ കൊലപ്പെടുത്തുമെന്ന് ഭീഷണിപ്പെടുത്തിയിരുന്ന ഇയാള് പലകുറി ഇവരെ പിന്തുടരുകയും ചെയ്തിരുന്നു.
മക്കളെ വളര്ത്താനാണ് ഇയാളുടെ പീഡനമെല്ലാം സഹിക്കുന്നതെന്ന് നദീറ പറഞ്ഞിരുന്നതായി നദീറയുടെ സഹപ്രവര്ത്തകര് പറഞ്ഞു. ദാമ്പത്യപ്രശ്നങ്ങളാണ് കൊലപാതകത്തിലേക്ക് നയിച്ചതെന്നാണ് പോലീസിന്റെ പ്രാഥമിക നിഗമനം.
