തിരുവനന്തപുരം: നിയുക്ത മന്ത്രി കെ ബി ഗണേഷ് കുമാറിന് സിനിമ വകുപ്പ് നല്കേണ്ടതില്ലെന്ന് സിപിഎം തീരുമാനം. സി.പി.എമ്മിന്റെ കൈവശമുള്ള വകുപ്പ് മാറ്റേണ്ടെന്ന് സംസ്ഥാന സെക്രട്ടേറിയറ്റില് തീരുമാനം. സിനിമ വകുപ്പ് കൂടി ഗണേഷ് കുമാര് ആവശ്യപ്പെട്ടിരുന്നു.
നിലവില് ഗതാഗത വകുപ്പ് മാത്രം ഗണേഷിന് നല്കാനാണ് തീരുമാനിച്ചിരിക്കുന്നത്. കടന്നപ്പള്ളി രാമചന്ദ്രനും കെബി ഗണേഷ് കുമാറും ഇന്ന് മന്ത്രിമാരായി സത്യപ്രതിജ്ഞ ചെയ്യും. ഗണേഷിന് ഗതാഗതവും കടന്നപ്പള്ളിക്ക് തുറമുഖവകുപ്പും തന്നെയാണ് നല്കുന്നത്.
