കൊച്ചി: ആലുവയില് അഞ്ച് വയസുകാരിയെ ക്രൂരമായി കൊലപ്പെടുത്തിയ കേസില് പ്രതി അസഫാക്ക് ആലത്തിന്റെ വധശിക്ഷയ്ക്കെതിരെ പ്രതിയുടെ കുടുംബം അപ്പീല് നല്കിയേക്കുമെന്ന് റിപ്പോര്ട്ട്. അഭിഭാഷകനുമായി ചേര്ന്ന് ഇതേക്കുറിച്ച് ആലോചിക്കുമെന്ന് അസഫാക്കിന്റെ സഹോദരി മാധ്യമങ്ങളോട് പറഞ്ഞു. അസഫാക്കിന് വധശിക്ഷ പാടില്ലായിരുന്നുവെന്നും ജയില് ശിക്ഷ മതിയായിരുന്നെന്നും സഹോദരി പറഞ്ഞു.
എറണാകുളം പോക്സോ കോടതി ജഡ്ജി കെ സോമനാണ് ആലുവ കേസില് പ്രതി അസഫാക്ക് ആലത്തിന് വധശിക്ഷ വിധിച്ചത്. പോക്സോ കേസില് ജീവപര്യന്തം ശിക്ഷയാണ് വിധിച്ചത്.
കേസില് സംഭവം നടന്ന് 110-ാം ദിവസമാണ് ശിക്ഷാ വിധി. ജൂലായ് 28-നാണ് പെണ്കുട്ടിയെ ആലുവ മാര്ക്കറ്റിന് പിന്നിലെ മാലിന്യക്കൂമ്പാരത്തില് മരിച്ചനിലയില് കണ്ടെത്തിയത്. ഇതര സംസ്ഥാന തൊഴിലാളിയുടെ മകളായ അഞ്ചു വയസുകാരിയെ പ്രതി അസ്ഫാഖ് ആലം ക്രൂരമായി ബലാത്സംഗം ചെയ്ത് കൊലപ്പെടുത്തിയത്.
