തിരുവനന്തപുരം: തിരുവല്ലത്ത് സഹോദരനെ യുവാവ് കൊന്ന് കുഴിച്ചുമൂടി. തിരുവല്ലം വണ്ടിത്തടം സ്വദേശി രാജ്(36) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് രാജിന്റെ സഹോദരന് ബിനുവിനെ പോലീസ് കസ്റ്റഡിയിലെടുത്തു.
സഹോദരന്മാര് തമ്മിലുണ്ടായ സംഘര്ഷത്തിനിടെ രാജ് കൊല്ലപ്പെട്ടെന്നും തുടര്ന്ന് മൃതദേഹം കുഴിച്ചുമൂടിയെന്നുമാണ് പ്രാഥമികവിവരം. കഴിഞ്ഞ 11 ദിവസമായി രാജിനെക്കുറിച്ച് വിവരങ്ങളില്ലായിരുന്നു. ഫോണ് സ്വിച്ച് ഓഫ് ആയിരുന്നതും സംശയങ്ങള്ക്ക് കാരണമായി. ഇതോടെ സഹോദരീഭര്ത്താവ് പോലീസില് പരാതി നല്കി. തുടര്ന്ന് പോലീസിന്റെ അന്വേഷണത്തിലാണ് രാജ് കൊല്ലപ്പെട്ടതായി കണ്ടെത്തിയത്.
സ്വത്ത് തര്ക്കത്തെ തുടര്ന്നാണ് സഹോദരങ്ങള് തമ്മില് വഴക്കുണ്ടായതെന്നാണ് സൂചന.
