കൊച്ചി: ഫോര്ട്ട് കൊച്ചിയില് ഡെങ്കിപ്പനി ബാധിച്ച് വിദേശി മരിച്ചു. അയര്ലന്ഡ് പൗരനായ ഹോളവെന്കോ (74) യെ ആണ് ഫോര്ട്ട് കൊച്ചിയിലെ ഹോം സ്റ്റേയില് മരിച്ച നിലയില് കണ്ടെത്തിയത്.
വിദേശത്തുനിന്നും എത്തിയ ഹോക്കോ ഹെന്ക്കോ റയ്ന് സാദ് കുറച്ചു ദിവസങ്ങളായി കൊച്ചിയിലാണ് കഴിഞ്ഞിരുന്നത്. ഫോര്ട്ടുകൊച്ചിയിലെ കുന്നുംപുറത്തെ ഹോം സ്റ്റേയിലായിരുന്നു ഇയാള് താമസിച്ചിരുന്നത്. കൊച്ചിയില് എത്തുന്നതിന് മുമ്പ് ഇയാള് കേരളത്തിലെ മറ്റു പല സ്ഥലങ്ങളിലും പോയിട്ടുണ്ടെന്നാണ് വിവരം. പനിബാധിച്ചതിനെ തുടര്ന്നാണ് ഇയാള് ആശുപത്രിയില് ചികിത്സ തേടിയത്. തുടര്ന്ന് ശനിയാഴ്ച ഡെങ്കിപ്പനി സ്ഥിരീകരിക്കുകയായിരുന്നു.
മൃതദേഹം മോര്ച്ചറിയിലേക്ക് മാറ്റി. ഹോളവെന്കോയുടെ മൃതദേഹം നാട്ടിലെത്തിക്കാനുള്ള നടപടികള് സ്വീകരിച്ചു വരികയാണ്.
