തിരുവനന്തപുരം: നടി ഹണി റോസിനെതിരായ ലൈംഗികാധിക്ഷേപ കേസില് ജയിലിലായ ബോബി ചെമ്മണൂരിന് വഴിവിട്ട രീതിയില് സഹായം ചെയ്ത് നല്കിയതിന് രണ്ടു ജയില് ഉദ്യോഗസ്ഥര്ക്ക് സസ്പെന്ഷന്. മധ്യമേഖലാ ജയില് ഡിഐജി പി ജയകുമാര്, എറണാകുളം ജയില് സൂപ്രണ്ട് രാജു ഏബ്രഹാം എന്നിവര്ക്കെതിരെയാണ് നടപടി. ജയില് മേധാവിയുടെ റിപ്പോര്ട്ടിലെ ശുപാര്ശയുടെ അടിസ്ഥാനത്തിലാണ് നടപടി.
കാക്കനാട് ജില്ലാ ജയിലില് റിമാന്ഡില് കഴിയുന്നതിനിടെ ബോബി ചെമ്മണൂരിന്റെ സുഹൃത്തുക്കളുമായി മധ്യമേഖല ഡിഐജി ജയിലിലെത്തി സൂപ്രണ്ടിന്റെ മുറിയില് കൂടിക്കാഴ്ചയക്ക് അവസരം നല്കിയെന്നാണ് ജയില് മേധാവിയുടെ കണ്ടെത്തല്.
