കണ്ണൂര്: കണ്ണൂര് സെന്ട്രല് ജയിലിലേക്ക് മൊബൈല് എറിഞ്ഞുകൊടുക്കുന്നതിനിടെ ഒരാള് പിടിയില്. പനങ്കാവ് സ്വദേശി കെ അക്ഷയ് ആണ് പിടിയിലായത്. ജയില് പരിസരത്തേക്ക് കടന്നാണ് അക്ഷയ് മൊബൈല് എറിഞ്ഞു നല്കാന് ശ്രമിച്ചത്. ശ്രദ്ധയില്പ്പെട്ട വാര്ഡന്മാര് ഇയാളെ പിടികൂടുകയായിരുന്നു. ഞായറാഴ്ച വൈകിട്ട് മൂന്നു മണിക്കായിരുന്നു സംഭവം.
ഇയാള് മൊബൈല് ഫോണിനൊപ്പം ബീഡിയും പുകയില ഉല്പന്നങ്ങളും എറിഞ്ഞു കൊടുക്കാന് ശ്രമിച്ചു. അക്ഷയ്ക്കൊപ്പം രണ്ടുപേര് കൂടി ഉണ്ടായിരുന്നു. ഇവര് വാര്ഡന്മാരെ കണ്ടതോടെ ഓടി രക്ഷപ്പെട്ടു. കണ്ണൂര് ടൗണ് പൊലീസ് കേസെടുത്ത് ഇവര്ക്കായി അന്വേഷണം തുടരുകയാണ്.
