നടനും രാഷ്ട്രീയ പ്രവർത്തകനുമായ കൃഷ്ണകുമാറിന്റെ മകളും ഇൻഫ്ലുവൻസറുമായ ഹൻസിക കൃഷ്ണയുടേതെന്ന് തരത്തില് വീഡിയോ പ്രചരിക്കുന്നു. ഹൻസിക തന്റെ സമൂഹ മാധ്യമ അക്കൗണ്ടുകളിലൊന്നും പോസ്റ്റ് ചെയ്യാത്ത നൃത്തം ചെയ്യുന്ന വീഡിയോയാണ് പ്രചരിക്കുന്നത്. ബോൾഡ് ലുക്കിലാണ് വിഡിയോയിൽ ഹൻസിക പ്രത്യക്ഷപ്പെടുന്നതും. ഇൻസ്റ്റഗ്രാം സബ്സ്ക്രൈബേഴ്സിനു വേണ്ടി പങ്കുവച്ച വിഡിയോയാണിതെന്നും അതെങ്ങനെയോ ലീക്ക് ആയതാണെന്നുമാണ് അഭ്യൂഹങ്ങള്.
വിഡിയോ വൈറലായതോടെ വ്യാപകമായ വിമർശനമാണ് ഹൻസികയും കുടുംബവും നേരിടുന്നത്. സബ്സ്ക്രിപ്ഷൻ കൂട്ടാൻ വേണ്ടി ഇവർ തന്നെ മനഃപൂർവം വിഡിയോ പുറത്തുവിട്ടതാണെന്നാണ് പ്രധാന ആരോപണം. നേരത്തെ 299 രൂപയായിരുന്ന സബ്സ്ക്രിപ്ഷൻ ഫീസ് ഇപ്പോൾ 390 രൂപയായി ഹൻസിക വർധിപ്പിച്ചെന്നും വിഡിയോ വന്നതോടെ ഫോളോവേഴ്സ് ഇരട്ടിയായെന്നും വിമർശനമുണ്ട്. ഇൻസ്റ്റാഗ്രാമിൽ സബ്സ്ക്രിപ്ഷനുള്ള ഹൻസിക ഒരു മാസത്തേക്ക് ഇടാക്കുന്നത് 390 രൂപയാണ്. ഇതിനകം 1800 സബ്സ്ക്രൈബേഴ്സ് ആണ് ഹൻസികയ്ക്ക് ലഭിച്ചത്. വീഡിയോ ലീക്ക് ആയി ഒറ്റ ദിവസം കൊണ്ട് ആയിരത്തിലധികം സബ്സ്ക്രൈബേഴ്സ് വർധിച്ചുവെന്നാണ് സോഷ്യൽ മീഡിയ ഉപയോക്താക്കൾ പറയുന്നത്.
എന്നാൽ ലീക്ക് ആയ വിഡിയോ എഐ, ഡീപ്പ് ഫേക്ക് ആണെന്നു ചൂണ്ടിക്കാണിക്കുന്നവരുമുണ്ട്. എന്തായാലും ഈ വിഷയത്തിൽ പ്രതികരണവുമായി ഹൻസിക ഇതുവരെ എത്തിയിട്ടില്ല.
ഇൻസ്റ്റഗ്രാമിൽ 16 ലക്ഷം ഫോളോവേഴ്സുള്ള ഹൻസികയുടെ റീൽ വിഡിയോസിന് ലക്ഷക്കണക്കിന് കാഴ്ചക്കാരാണുള്ളത്. അതേസമയം ‘ബാച്ച്ലർ പാര്ട്ടി 2’ എന്ന സിനിമയിലൂടെ നസ്ലിന്റെ നായികയായി സിനിമയിൽ സജീവമാകാനുള്ള തയാറെടുപ്പിലാണ് താരം.
