ബ്രിട്ടൺ പൊതു തെരഞ്ഞെടുപ്പിൽ 14 വർഷത്തെ കൺസർവേറ്റിവ് പാർട്ടി ഭരണത്തെ താഴെയിറക്കി ലേബർ പാർട്ടി അധികാരത്തിൽ. 650 സീറ്റുകളിൽ ലേബർ പാർട്ടി 370 സീറ്റുകളിൽ ലേബർ പാർട്ടി വിജയിച്ചു. 181 സീറ്റുകളാണ് ലേബർ പാർട്ടി അധികമായി നേടിയത്. ഋഷി സുനകിന്റെ കൺസർവേറ്റിവ് പാർട്ടിക്ക് 90 സീറ്റുകളിൽ ഒതുങ്ങി. ലിബറൽ ഡെമോക്രാറ്റുകൾ 51 സീറ്റുകളിലും സ്കോട്ടിഷ് നാഷണൽ പാർട്ടി 6 സീറ്റുകളിലും സിൻ ഫെയിൻ 6 സീറ്റുകളിലും മറ്റുള്ളവർ 21 സീറ്റുകളിലും വിജയിച്ചു.
ബ്രിട്ടനിലെ പൊതുതെരഞ്ഞെടുപ്പില് മലയാളിക്ക് വിജയം. ലേബര് പാര്ട്ടി സ്ഥാനാര്ത്ഥിയായി ആഷ്ഫോര്ഡ് മണ്ഡലത്തില് മത്സരിച്ച കോട്ടയം സ്വദേശി സോജന് ജോസഫ് വിജയിച്ചു. ബ്രിട്ടീഷ് മുന് ഉപപ്രധാനമന്ത്രിയും കണ്സര്വേറ്റീവ് പാര്ട്ടി സ്ഥാനാര്ത്ഥിയുമായ ഡാമിയന് ഗ്രീനിനെയാണ് സോജന് ജോസഫ് പരാജയപ്പെടുത്തിയത്.
49 കാരനായ സോജന് ജോസഫ് കോട്ടയം കൈപ്പുഴ സ്വദേശിയാണ്. നഴ്സായി ജോലി ചെയ്യുന്നതിനിടെ രാഷ്ട്രീയത്തിലും സജീവമാകുകയായിരുന്നു. ഇന്ത്യയില് നഴ്സിങ് പഠനം പൂര്ത്തിയാക്കിയശേഷം 2001 ലാണ് സോജന് ഡോസഫ്, ജോലിക്കായി ബ്രിട്ടനിലെത്തുന്നത്. വില്യം ഹാര്വെ ഹോസ്പിറ്റലില് മാനസികാരോഗ്യ വിഭാഗത്തില്, മെന്റല് ഹെല്ത്ത് നഴ്സ് ആയിട്ടാണ് ജോലിയില് പ്രവേശിക്കുന്നത്. തുടര്ന്ന് ആഷ്ഫോര്ഡിലേക്ക് മാറി. 2015 ലാണ് സോജന് ജോസഫ് ലേബര് പാര്ട്ടിയില് അംഗത്വമെടുക്കുന്നത്.
