കോട്ടയം: പുതുപ്പള്ളി മണ്ഡലത്തിലെ ഉപതെരഞ്ഞെടുപ്പ് നാളെ. ഇന്ന് നിശബ്ദ പ്രചാരണമാണ്. രാവിലെ ഏഴു മണി മുതല് വൈകിട്ട് ആറു മണി വരെയാണ് വോട്ടെടുപ്പ് നടക്കുക. ഇന്ന് നിശബ്ദ പ്രചാരണ ദിവസത്തിൽ പരമാവധി വോട്ടർമാരെ നേരിൽ കാണുകയാണ് സ്ഥാനാർത്ഥികളുടെ ലക്ഷ്യം. തെരഞ്ഞെടുപ്പിനുള്ള പോളിംഗ് സാമഗ്രികൾ ഇന്ന് രാവിലെ വിതരണം ചെയ്യും.
സ്ട്രോങ്ങ് റൂം ആയ കോട്ടയം ബസേലിയോസ് കോളേജിൽ നിന്നാണ് 182 ബൂത്തുകളിലേക്കും ഉള്ള സാമഗ്രികൾ വിതരണം ചെയ്യുന്നത്. മുഴുവൻ ബൂത്തുകളിലും വി വി പാറ്റുകളും വെബ്കാസ്റ്റിംഗും സജ്ജമാക്കിയിട്ടുണ്ട്. 1,76,417 വോട്ടർമാരാണ് മണ്ഡലത്തിൽ ഉള്ളത്.
തെരെഞ്ഞെടുപ്പ് പ്രമാണിച്ച് നാളെ പുതുപ്പള്ളി മണ്ഡലത്തിലെ സര്ക്കാര്, അര്ധസര്ക്കാര്, വിദ്യാഭ്യാസ, വാണിജ്യ സ്ഥാപനങ്ങള്ക്ക് പൊതുഅവധി ആയിരിക്കും. സ്വകാര്യ സംരംഭങ്ങള്, സ്ഥാപനങ്ങള്, വ്യവസായ സ്ഥാപനങ്ങള്, കടകള് എന്നിവിടങ്ങളിലെ ജീവനക്കാര്ക്കും വേതനത്തോടുകൂടിയ അവധിയായിരിക്കും. മറ്റിടങ്ങളില് ജോലി ചെയ്യുന്ന കാഷ്വല് ജീവനക്കാര് അടക്കമുള്ള ജീവനക്കാര്ക്കും പുതുപ്പള്ളി വോട്ടർമാർക്കും വേതനത്തോടെയുള്ള അവധി ഉണ്ട്.
