സിനിമാ സീരിയല് താരം വിഷ്ണു പ്രസാദ് അന്തരിച്ചു. കരള് രോഗബാധയെ തുടര്ന്ന് ആശുപത്രിയില് ചികിത്സയില് ആയിരുന്നു. ശസ്ത്രക്രിയയ്ക്ക് തയ്യാറെടുപ്പ് നടത്തുന്നതിനിടെയാണ് മരണം സംഭവിച്ചത്.
മകള് കരള് നല്കാന് തയാറുമായിരുന്നു. ശസ്ത്രക്രിയയ്ക്കായുള്ള തുക കണ്ടെത്താനുള്ള ശ്രമത്തിനിടെയാണ് മരണം.
കാശി, കൈ എത്തും ദൂരത്ത്, റണ്വേ, മാമ്പഴക്കാലം, ലയണ്, ബെന് ജോണ്സണ്, ലോകനാഥന് ഐഎഎസ്, പതാക, മാറാത്ത നാട് തുടങ്ങിയ സിനിമകളില് അഭിനയിച്ചു. സീരിയല് രംഗത്തും സജീവമായിരുന്നു. നടന് കിഷോര് സത്യയാണ് മരണ വിവരം തന്റെ സാമൂഹ്യ മാധ്യമ പേജിലൂടെ അറിയിച്ചത്.
