നിലമ്പൂർ ഉപതിരഞ്ഞെടുപ്പില് ആര്യാടൻ ഷൗക്കത്തിന് ജയം. 11,077 വോട്ടുകൾക്ക് വിജയിച്ച് യുഡിഎഫ് നിലമ്പൂർ തിരിച്ചുപിടിച്ചു. 2016നുശേഷം ആദ്യമായാണ് മണ്ഡലത്തിൽ യുഡിഎഫ് വിജയിക്കുന്നത്.
സ്വരാജിന്റെ തുടർച്ചയായ രണ്ടാമത്തെ പരാജയമായി ഇത്. കഴിഞ്ഞ നിയമസഭാ തിരഞ്ഞെടുപ്പിൽ തൃപ്പൂണിത്തുറ മണ്ഡലത്തിൽ കോൺഗ്രസിന്റെ കെ ബാബുവിനോടും സ്വരാജ് പരാജയപ്പെട്ടിരുന്നു.
മൂന്ന് മുന്നണികൾക്കുമെതിരേ സ്വതന്ത്രനായി മത്സരിച്ച മുൻ എംഎൽഎ പി വി അൻവർ ഇരുപതിനായിരത്തോളം വോട്ട് പിടിച്ച് കരുത്തുകാട്ടി. ബിജെപി സ്ഥാനാർത്ഥി മോഹൻ ജോർജ് നാലാം സ്ഥാനത്തായി.ചുങ്കത്തറ മാര്ത്തോമ്മ ഹയര്സെക്കന്ഡറി സ്കൂളിലാണ് വോട്ടെണ്ണൽ. പോസ്റ്റല്, സര്വീസ് വോട്ടുകള് കൂടി ചേര്ത്തുള്ള ഏറ്റവും പുതിയ പോളിങ് ശതമാനം 75.87 ആണ്.
