തമിഴ് സിനിമാ താരം രവി മോഹനും ഭാര്യ ആരതി രവിയുടെയും വിവാഹമോചന വാർത്തകളാണ് അടുത്തിടയായി വാർത്തകളിൽ നിറഞ്ഞു നിൽക്കുന്നത്. ഇപ്പോഴിതാ രവി മോഹൻ വാടക വീട്ടിൽ ആണ് താമസിക്കുന്നത് എന്ന വെളിപ്പെടുത്തൽ ആണ് ചർച്ചയാകുന്നത്. ‘3 ബിഎച്ച്കെ’ എന്ന ചിത്രത്തിന്റെ പ്രീ-റിലീസ് പരിപാടിയിൽ സംസാരിക്കവെയാണ് താൻ ആദ്യമായി ഒരു വാടക വീട്ടിൽ താമസിക്കുകയാണെന്ന് രവി മോഹൻ വെളിപ്പെടുത്തിയത്.
ജനിച്ചത് മുതല് ഞാൻ എന്റെ സ്വന്തം വീടുകളിൽ മാത്രമാണ് താമസിച്ചിരുന്നത്. ഇപ്പോൾ ഞാൻ ഒരു വാടക വീട്ടിലാണ്, അതിനാല് എനിക്ക് ഈ ചിത്രം വളരെ പേഴ്സണലായി ബന്ധപ്പെട്ടിരിക്കുന്നു ” എന്നാണ് രവിമോഹന് പറഞ്ഞത്. എന്നാൽ, ഈ പരാമർശം സോഷ്യൽ മീഡിയയിൽ വിമർശനങ്ങൾക്കും ചർച്ചകൾക്കും വഴിവെച്ചിരിക്കുകയാണ്.
‘3 ബിഎച്ച്കെ’ ഒരു ഇടത്തരം കുടുംബത്തിന്റെ സ്വന്തം വീട് എന്ന സ്വപ്നത്തിന്റെ പ്രാധാന്യത്തെ ചുറ്റിപ്പറ്റിയുള്ള ഒരു കുടുംബ കഥയാണ്. ശരത് കുമാര്, സിദ്ധാര്ത്ഥ് എന്നിവരാണ് ഈ ചിത്രത്തില് പ്രധാന വേഷത്തില് എത്തുന്നത്. ഈ ചിത്രത്തിന്റെ ചടങ്ങിലാണ് രവിമോഹന്റെ പരാമര്ശം. “ഈ ചിത്രം എന്റെ ജീവിതവുമായി ബന്ധപ്പെട്ടതാണ്. ഇത് എനിക്ക് പ്രചോദനമായി, ഇനിയുള്ള ജീവിതം സന്തോഷത്തോടെ ജീവിക്കാൻ ഞാൻ ആഗ്രഹിക്കുന്നു.” എന്നാണ് രവിമോഹന് തുടര്ന്ന് പറഞ്ഞത്.
